Fai mai ua manana’o Iran e aga’i ese Isaraelu mai totonu o Lepanona ae ua faailoa foi faamatalaga a Trump sa faia faasaga i le Palemia o Isaraelu o Benjamin Netanyahu.
Ta’ua i le CNN o le fonotaga a le G7 i Farani o loo auai ai ta’ita’i o le lalolagi ma o loo faatalanoa ai ma le maliega a Donald Trump ma Iran.
Fai mai sa talanoa Trump ma ta’ita’i o atunuu Alapi e tolu faatasi ai ma le Peresetene o Ukraine, Vladimir Zelensky.
Ua faailoa foi e Trump o le a faalauiloa faalaua’itele faamaumauga o lenei maliega i ni nai aso o lumana’i ma o le a tuuina foi i le konekeresi a Amerika mo sa latou iloiloga.
O loo finau ane Iran ua tatau ona aga’i ese Isaraelu mai totonu o Lepanona, o se vaega lea o le maliega ma ua o latou faailoa foi ia Isaraelu, o le a malosi la latou tali atu iai pe afai e lē taofia loa a latou campaign faasaga i le Hezbollah.
Ua faailoa e sui o le malo Amerika i le lipoti lea a le CNN o le aga’i ese o Isaraelu mai Lepanona e lē o se vaega o le maliega i le va o Amerika ma Iran.
Fai mai sa talosaga Isaraelu e fia vaai i faamaumauga o le maliega peita’i sa teena e Amerika.
Fai mai le lipoti ua faailoa e Trump i sana saunoaga e tatau lava ia Netanyahu ona ia matua’i māta’itūina ma le toto’a nei matāupu.
Puna o Faamatalaga: https://edition.cnn.com/2026/06/16/world/live-news/iran-war-g7-summit
