E to’afā ni alii talavou ua molia e leoleo ia latou su’esu’ega sa faagasolo i le tafanaina o ni nofoaga faitele e taula’i lava i fale i Lake Illawara ma le itu i Sisifo o Sini.
O lipoti a le 9News ua ta’ua ai o Aperila na faamauina ai le isi faalavelave faapea ina ua tafana e nisi se fale i Sini ma ua ta’ua e le’i āfaina ai se tasi peita’i i le masina lava lea na alia’e ai foi se faalavelave, na tafana ane ai se fale mai se taavale i Greenacre.
O le itu e faafetai ai leoleo ona o le leai o se soifua e ma’umau.
I le taualuga la o su’esu’ega a leoleo i faalavelave uma ia e tolu ua iloa ai e iai sootaga, ma o ananafi na faia ai loa osofa’iga a leoleo ma pu’eina ai se alii 18 tausaga le matua mai Moorebank, o se alii e 19 tausaga le matua mai Fairfield, o se alii e 17 tausaga le matua mai Macquarie Field ma se alii e 16 tausaga le matua mai Liverpool.
Ua molia uma nei ma e lē o taliaina le tatala i tua ae tutula’i i le asō i le faamasinoga.
Puna o Faamatalaga: https://www.nine.com.au/australia-news/nsw/teens-charged-after-sydney-homes-allegedly-targeted-in-shootings-20260618-p607uu.html
