Ua toe saini isi alii sinia e toalua o le All Blacks, o Scott Barrett ma Codie Taylor i le NZ Rugby seia oo i le faai’uga o le Ipu o le Lalolagi 2027.
O le maliega fou la lea ua toe faaopoopo ai konekarate a alii taalo mo le isi 2 tausaga ma le NZ Rugby faapea foi ma le Crusaders, o le la kalapu i le Super Rugby Pacific.
O le alii o Barrett e toatele tagata o loo manatu e tatau ona filifilia e avea ma kapeteni o le All Blacks pe a fili le ‘au a le alii faiaoga o Scott Robertson ma sa ta’ua e le alii taalo i le faatalanoaga ma le RNZ o le fai ma sui o lana kalapu ma lona atunuu i le taaloga lakapi o se avanoa tāua mo ia aemaise le sauni atu i le isi Ipu o le Lalolagi i le 2027.
Fai mai Taylor, e faigofie lava le filifiliga mo ia ma le NZ Rugby ma e faafetai ai foi i le NZ Rugby mo le avanoa.
Na ta’ua e le faiaoga o le ‘au, Robertson, e tāua tele le toe faatumauina i le ‘au o alii ia e toalua auā o isi tama taaalo sinia ia o le taaloga.
Puna o Faamatalaga: https://www.1news.co.nz/2024/06/06/taylor-barrett-recommit-to-crusaders-and-all-blacks
