E to’alua tagata ia ua feta’ua’ina i le su’esu’ega o loo faia nei o le caravan na maua iai totonu a’upega ma mea faapāpā i Sini atoa ai ma se lisi o malumalu tapua’i a tagata Isaraelu.
Ua faailoa i lipoti a le ABC i le asō ata ua iloa ai le taimi na osofa’i ai e leoleo le fale o le to’alua lea i Liverpool, i le mae’a o le 2 aso talu ona maua lea caravan i Dural.
Ua ta’ua o Tammie Farrugia ma Scott Marshall igoa o le to’alua lea ua molia nei i le mataupu lea ma o loo taofia e leoleo i nisi foi mataupu e ese mai.
Faailoa i lipoti o le tamaitai lea mai Liverpool sa tuua’ia foi i le aofia ai i se kulupu na o latou spray ma faia ni tusitusiga faasaga i tagata Isaraelu i nisi o fale i Woolhara i Sini i le aso 11 o Tesema na susunuina ai ma se taavale.
O loo faaauau le su’esu’ega i lea mataupu.
Puna o Faamatalaga: https://www.abc.net.au/news/2025-01-31/tammie-farrugia-scott-marshall-caravan-explosives-dural/104876144
