Ua saunoa le Palemia o Christopher Luxon o lea ua amata ona tino mai le fuafuaga poo le plan ina ua alia’e i’uga o se tasi o palota faata’ita’i i le asō ua iloa ai o le malo o loo faafoeina mea uma.
Lipotia e le One News ana fai o le i’uga o le palota faata’ita’i lea e toe tula’i mai i se faigapalota, o le a tumau pea le soofaatasi i ona nofoa e 64, sina eseesega laitiiti mai le 68 nofoa o loo iai nei i le Palemene.
E 5 pasene ua siitia ai i latou ua palota e lagolago le avea o Luxon ma Palemia ma ia ta’ua ai i le faatalanoaga i le Breakfast o ia e lē ano tele i palota faata’ita’i.
Fai mai le Palemia o ia o loo aga’i atu e fai lana galuega ma o lana faamatalaga na faia a o lei faia le palota, e ao ona faatino le latou fuafuaga ma o lea la ua faagasolo, ua toe faatulaga le atunuu ma o le mea moni lava ia o loo faaauau pea ona ia faatino lana galuega.
O lona manatu o loo matua’i tulaga lelei le latou galuega o loo faatino ma ua amata ona tino mai lea tulaga.
Puna o Faamatalaga: https://www.1news.co.nz/2024/08/20/christopher-luxon-on-1news-poll-the-plan-is-starting-to-work/
