O se tamalii Samoa e suafa ia Lelei Lelaulu ua lipotia i le RNZ Pacific ua faatū lona suafa mo le faailoga taualoa, le Nobel Peace Prize.
Ua ta’ua i le lipoti o Lelaulu o se faipisinisi e galue i le vaega o auaunaga e aofia ai suiga o le tau, tulisi, tulaga o le saogalemu o taumafa aemaise malosi’aga faafouina.
Ua lipotia foi i le Samoa Observer o se tamalii sa galue foi i tulaga tau tusitala, faalauteleina o auaunaga faavaomalo ma fetuuna’iga o faiga faavae, ma sa galue faufautua foi i auaunaga e pei o le World Bank ma isi faalapotopotoga tetele faavaomalo ma Malo Aufaatasi.
E 338 i latou ua faatutū suafa mo le tausinioga i lea faailoga taualoa mo le tausaga nei 2025, ma e faailoa lē o le a faamanuiaina i le masina o Oketopa.
Fai mai le RNZ o Lelaulu na soifua ane i Samoa ma o loo aumau nei i Uosigitone.
Puna o Faamatalaga: https://www.rnz.co.nz/international/pacific-news/557640/samoa-s-lelei-lelaulu-nominated-for-nobel-peace-prize
