Ua faailoa e le Malo o le a o latou toe suia le faaitiitia o le saosaoa sa faatulaga i le taimi o le faigamalo a le Leipa a o lei oo i le aso 1 o Iulai 2025 e ala i se isi tulafono fou o le Land Transport rule lea ua tatala i le asō mo faatalanoaga lautele.
I se pepa o faamatalaga ua faailoa ai i lipoti a le televise tasi e le Minisita o Fela’ua’iga, Simeon Brown o le saosaoa o le a faatulaga mai lea faiga fou o le a aogā ma o le a silasila foi i finagalo faaalia o i latou e faaaogāina le auala aemaise o komiuniti faalotoifale.
Ua faailoa i le lipoti o magāala i tua mai o aoga o le a manaomia ona tuu i le 30km i le itula le saosaoa o taavale i le taimi o aoga ae o le a iai foi suiga i le saosaoa e alu ai taavale i isi magāala i lalo o ia tulafono fou.
O loo sailia foi e le malo finagalo o le atunuu i le faataga lea o le saosaoa e oo atu i le 120km i le itula i magaala ua ta’ua o Roads of National Significance lea ua fausia faapitoa ia mafai ona faatumauina ai lea ituaiga saosaoa.
Puna o Faamatalaga: https://www.1news.co.nz/2024/06/13/govt-to-pull-handbrake-on-blanket-speed-limit-reductions
