E talitonu Isaraelu o le ta’ita’i o le Hamas o Yahya Sinwar lea na taulamua i le osofa’ia o Isaraelu i le aso 7 o Oketopa o le tausaga talu ai, o ia lea ua fasiotia e vaegā’au a Isaraelu i Gaza i le vaiaso nei. O lipoti aupito lata mai a le CNN ua ta’ua ai le momoli o le faamalo a le Peresetene o Amerika, Joe Biden i le Palemia o Isaraelu o Benjamin Nethanyahu ona o lea manumalo.

O se pepa o faamatalaga mai le ta’ita’i o Isaraelu ua ta’ua ai ua faailoga ai iinei le amataga o le faamutaina o le Hamas ma ua valaau ai foi mo le faasa’oloto ane o o latou tagata o loo ave faapagota pea i Gaza.

Fai mai o se drone a Isaraelu na faalele ane i le nofoaga tonu na vaaia ai le tinomaliu o Sinwar, i se fale na osofa’i e vaegā’au a Isaraelu i le Aso Lulu o le vaiaso nei.

Fai mai ua mae’a ona faia su’esu’ega faafoma’i ma ua faamaonia ai lea tagata.

I isi lipoti mai Sasae Tutotonu lava ua faailoa ai e le Hezbollah se isi vaega fou o le taua faasaga ia Isaraelu ae leai sa latou faamatalaga o faia e faatatau i le maliu o le ta’ita’i o le Hamas ae ua faailoa foi e Isaraelu ua sili atu ona lelei le lalolagi i le taimi nei i le maliu o le ta’ita’i lea o le Hamas.

Puna o Faamatalaga: https://edition.cnn.com/world/live-news/israel-iran-gaza-lebanon-10-17-24-intl-hnk/index.html