E to’atolu tagata ua molia mo le silia ma le 12 tausaga pe a tuufaatasi o latou faasalaga ona o ni faiga taufaasese e aofia ai le National Disability Insurance Scheme le NDIS ma le ofisa o lafoga a le atunuu le ATO.
O le Federal Police na o latou mauaina le tusa ma le 8 kilo o le auro pe ā ma le 600 afe lona tau ma le silia i le $630,000 i cryptocurrency.
Na ave ai foi e leoleo ma taavale taugata e tolu o le BMW, Audi Q7 ma le Porsche pe ā ma le $250,000 lona tau faapea foi ma jewellery.
O le su’esu’ega lea a le Federal Police, le Operation Pegasus na amata ia Tesema 2020 ma sa aga’i i se syndicate sa faagaioia e ni kamupani se 3 ua taufaavalea ai le NDIS ma le faiga o talosaga taufaasese i le ATO.
Fai mai o nisi talosaga ua faaaogā lipoti e lē moni mai le falema’i e claim ai tupe mai le NDIS ae leai ni aafiaga tumau.
O le to’atolu la ua pu’eina e aofia ai alii e to’alua ma le tamaitai e to’atasi ua mae’a lauina faasalaga ma ua faatonu e toe totogi i le Commonwealth le silia ma le $575,000.
O le alii mai Ryde e 38 tausaga e ono tausaga ma le ono masina lona faasalaga i le falepuipui, o le isi alii e 41 tausaga e lua tausaga ma le 11 masina le faasalaga atoa ai ma le tamaitai mai Lakemba e 33 tausaga ua faasala i le 3 tausaga ma le 5 masina ina ua ioe uma i o latou moliaga.
Puna o Faamatalaga: https://www.9news.com.au/national/ndis-ato-fraud-three-people-jailed-multimillion-dollar-investigation/bc4705bf-cb9e-4471-939a-b7c1ebe1d47f
