E lata i le $300,000 le faasalaga tupe lea ua faasala ai le Look Sharp na te totogia ona o le taufaasese o le tau o ana oloa.

O le faleoloa lenei ua lauiloa ai i oloa mo faigapati ma le tele o mea e moomia i aso uma ma e 20 ana faleoloa i totonu o Niu Sila.

Mai le komisi o pisinisi ua umi tele o lē sa’o le faiga o tau o ana oloa, ma o lea foi ua ia ioeina moliaga nei i luma o le Faamasinoga Faaitumalo i Aukilani.

Ua faasala ai na te totogia le $292,500, ma o se faasalaga e lē gata e fai o le umi o lē sa’o le faiga o tau o oloa ae o lea e iai oloa e oo atu i le 33% le tau e totogi na i lo le tau o loo faapipii ai i luga o fata.

I se tali mai le kamupani e tusa ma lona soli ai o le tulafono o loo aiaia ai fefaataua’iga, o le tele o itu ua toe faasala ai nei ma mea sese, o tau nei sa iai i taimi o le Koviti.

Puna o Faamatalaga: Look Sharp fined nearly $300k for ‘widespread pricing errors’