Na faatali mai e le ambulance ananafi I le malaevaalele I Queenstown se tasi o le pasese faimalaga atu mai Aukilani masalomia ua maua I le vairusi
Ripoti a le 1News, o lea pasese na vaaia ai auga o le fulu, ma avea ma tulaga na faapopoleina ai le toatele ananafi na faimalaga I le faigamalaga NZ611 a le Ea Niu Sila
O lea ua maea faia lona siaki o le Koviti ma ua sau e negative
Ua toe sau ai ma le faamanatu I tagata o le komiuniti e nonofo I le fale pe afai e le o malosi atoatoa, pe toe tolopo faigamalaga ma aua nei ulufale I le nofoaga o loo siaki ai pepa malaga I le malaevaalele
Faamaoniga mai le faatonusili o le soifua maloloina, Dr Ashley Bloomfield e le i iai se isi e vavalalata sootaga ma case fou o le komiunti faatoa faamaonia ua tuua Aukilani
O auga o le Koviti e aofia ai le tafe o le isu, tale, fiva, faigata ona manava faapea le le manogi o se ai, peitai o le vairusi mai le United Kingdom fua I cases na faamaonia o loo maua ai foi ma le tiga o maso ma le tino gagase.
