O le asō lea ua aloa’ia ai le faaopoopo atu o isi atunuu e 15 mai le Iuni a Europa e mafai ona faaaogāina le EGate access i tuaoi o Niu Sila lea fai mai le ofisa o le Tiute e silia ma le 85 pasene o tagata malaga mai i Niu Sila ua mafai ona agavaa e faaaogāina lea auaunaga mo le vave ai ona kilia o pepa malaga i nofoaga e pei o le malaevaalele.
Fai mai le Customs o atunuu uma e 27 o le Iuni a Europa lea ua agavaa e faaaogā EGates e amata atu i le asō.
O le faamatalaga mai le Pule o le Border Operation, Dana Macdonald na ia ta’ua ai o le gaioiga lea ua faafaigofie ai mea uma mo tagata malaga e ulufale mai i le atunuu, vave ona siaki ai tusifolau ma pepa malaga.
O lona uiga la ua 37 atunuu e mafai ona faaaogāina EGates pe a ulufale mai i Niu Sila.
O le amataga o le tausaga na folafola ai e le ofisa o le tiute ua mafai nei foi e tamaiti 10 ma le 11 tausaga ona faaaogā lea auaunaga auā sa na o le ta’i 12 tausaga sa talia muamua.
Pe ā ma le 70 paasene o pasese e taunuu mai ma tuuvaa ese atu ma Niu Sila e faaaogāina EGates ona o le vave ma faigofie foi.
Puna o Faamatalaga: https://www.1news.co.nz/2024/09/23/over-85-of-travellers-to-nz-can-now-use-egates-customs/
