E $35 le tau lea o le a totogi e tagata asiasi mai atunuu mamao e asia le Te Papa.
O le tala mai lea mai le falemataaga i Ueligitone ma o lea e amata totogi mai le aso 17 o le masina a sau e tagata 16 tausaga agai i luga le matutua.
E lē o iai se suiga i le faiga o loo matamata fua ai tagata Kiwi e aunoa ma se totogi.
O le falemataaga a le Te Papa o lea e moomia le maua o le $30 miliona i le tausaga e faatupe ai, e ese ai le $44 miliona lea e maua mai le malo ma o le totogi o le a tapa mai tagata asiasi mai atunuu i fafo o loo faamoemoe ia maua ai nisi miliona faaopoopo.
Puna o Faamatalaga: Te Papa museum in Wellington to start charging international vistors $35 – NZ Herald
