O le auaunaga ma le galuega a tausi soifua ma faatosaga e tele lu’itau ma faafitauli o loo feagai pea ma lea tautua i lo tatou atunuu.

Peitai e ui ina fetaia’i pea ma faafitauli o le soifuaga nei, ae o lea auaunaga tāua auā le soifua lelei o le ola mālōlōina o tagata ua amana’ia ma faatāua e ala i se sauniga faafetai sa tapenaina e le matagaluega o le soifua mālōlōina, lea sa folasia ai se finagalo o le Minisita ma faafetaia le galulue ma le lē faalogologo tiga o alii ma tamaitai tausi soifua ma faatosaga.

O le siitaga fou o totogi mo lea auaunaga tāua ua ave ai ma le fautuaga a le Minisita o le matagaluega ina ia galulue faamaoni.

Le Minisita o le Soifua Mālōlōina afioga Valasi Luapitofanua Toogamaga Tafito Selesele.