Ua faaalia e le afioga i le Minisita o Leoleo, Falepuipui ma le Ola Toefuata’ina, le afioga ia Faualo Lefau Harry Schuster lona popole i le toatele o malu o le malo ua oese mai le galuega faaleoleo ae ua agai i galuega faavaitaimi i atunuu i fafo poo le RSE Program. 

I lipoti a le Talamua online na ta’ua ai e Faualo o se mataupu ua tatau ona toe iloilo auā e le o na o lana matagaluega o loo aafia ai i lenei faafitauli. 

E lei mafai ona ia tuuina mai le numera sa’o o leoleo ua oese mai le galuega ma ua agai atu i lalo o le polokalame mo glauega faavaitaimi. O le mataupu foi lenei na faaali ai atugaluga a nisi o pisinisi i Samoa ona o le lusi ai o tagata faigaluega lelei i lenei polokalame. 

O le faafituali la ua feagai nei ma le tele o isi pisinisi ua tau su’e ai ni tagata faigaluega mo a latou galuega. 

O nei popolega ua faaalia ua tatau ai ona toe iloilo lelei aiaiga o tagata e tatau ona agavaa i ia galuega faavaitaimi ina ia faaitiitia le lusi ai o tagata o loo faigaluega lelei i Samoa.