Ua faamautinoa mai e le puleganuu a Aukilani, o le mu ai o le mauga i Magele o lea lava na faia ma le mautinoa.
O faamaoniga nei ananafi ma e faapea o lipoti nei e fua i faamatalaga mai le ofisa o le tineimu.
O le mauga lenei e pei ona ta’ua i lipoti ananafi na faalua ona susunu, o le po o le Aso Toonai ma toe faia foi i le aoauli o le Aso Sa.
Mai le sui o le puleganuu i tala a le Herald, o lea na amata susunu mai le tumutumu o le mauga ma se’ia oo ina sosolo mai ai ma sau aga’i i lalo.
O se faanoanoga i le komiuniti i Magele le mu o le mauga, aemaise i latou o loo nonofo latalata ane iai ma o loo faaaogāina foi mo savaliga.
Ae mai le puleganuu, e faafetaia ona o le galulue faatasi o le komiuniti aemaise lava ia i latou na vave lipotia lenei mu.
Puna o Faamatalaga: Fire on Māngere Mountain deliberate – Auckland Council maunga authority – NZ Herald
