Ua faailoa le faaitiitia o le faaaogaina o masini faamafanafana poo heaters faapea ma isi auaunaga e faaaoga ai le eletise i Ausetalia i lenei tau malūlu7 ona o le maualuluga tele o pili mo ia auaunaga. Lipotia e le 9news o le iuga o su’esu’ega na fai talu ai nei ua faailoa ai lea tulaga ma o le tele o aiga ua faatau heaters taugofie e tau fesoasoani ai i le malūlū.
O nisi ua lē gafatia le faatauina poo le faaaogaina o heaters ua mātele ina tapunipuni e taofiofi ai le mafanafana i totonu o fale.
O loo iai fesoasoani o loo maua mo nisi setete o le atunuu i lalo o le polokalame a le Malo le Solar Sharer Offer e mafai ai e nisi o aiga e agavaa i Kuiniselani, South Australia ma Niu Sa Uelese ona maua fua le eletise mo le 3 itula i le ogatotonu o le aso.
O ia ituaiga auaunaga e mafai ona faaaoga ai smart meter e faapipii ona mafai lea ona agavaa se aiga i ia faamama avega.
Puna o Faamatalaga: https://www.nine.com.au/australia-news/millions-of-aussies-going-cold-as-electricity-bills-bite-20260710-p60e5n.html
