Ua lipotia mai nei e le BBC, ua faateteleina osofaiga a Ukraine e lalata i Crimea lea na ave faamalosia e Lusia ma ua agai foi osofaiga i le penisula o loo faataunuu atu iai sapalai o uta.
Saunoa le taitai’au a Ukraine Robert Brovdi i le BBC a itiiti mai pe 25 vaa ua aafia ma susunuina i totonu o le 4 aso talu ai i le Sea of Azov, le sami lea e sosoo ma le Black Sea.
Fai mai o se lusi tele lea mo Lusia aemaise i le vaega a le navy atoa ai ma le sapalai ole suauu i Lusia. Fai mai Brovdi o vaa suauu e lua sa osofaia i le vaiaso nei sa ave ane ai le tusa ma le 7,000 o tane o le suauu mai Taganrog i Crimea ma o le faamoemoe lea o Ukraine ia motusia le sapalai ole suauu i faaitu ia o loo pulea e Lusia.
Ua faailoa foi i le lipoti lea o loo feagai sui o Lusia i Crimea ma luitau ile feagai soo ai ma faaletonu i le sapalai o le eletise faapea foi ma auala tau feoaiga.
Puna o Faamatalaga: https://www.bbc.com/news/articles/c70yd1g67z5o
