E fa atumotu o le Pasefika ua sainilima ile Pacific Rugby League Partnership ua folafola mai i Brisbane i le vaiaso nei. Ua o latou sainia ai le Statement of Partnership faatasi ma le Australian Rugby League Commission ao auai ai palemia o ia atunuu, Ausetalia, Papua Niu Kini, Tonga ma Samoa.
O le taitaifono o le Australia Rugby League Commission, Peter Vlandys na sainia le maliega faatasi ma sui mai atumotu e pei ona taua ao molimauina e taitai o ia atunuu. Lipotia e le RNZ se saunoaga mai le palemia o Samoa, ole 50 pasene o tagata taaalo o le NRL e iai tupuaga Pasefika ma ole inivesi i le taaloga o le inivesi foi lea mo se komiuniti malosi ma faatupulaia ai tulaga manuia mo le itulagi i le agai i le lumanai.
Ole faamoemoe o le faiga faapaaga lea e aofia ai le faalautele o taumafaiga o iai nei mo le aga’i i luma ole taaloga, faatulaga o tauvaga i aoga maualuluga i atumotu aofia, polokalame atiae mo alii ma tama’ita’i taaalo i vaega eseese ma le faaauau pea ole sailia o avanoa mo tama ma teine taaalo ole lakapi liki i le Pasefika.
O loo lipotia ole maliega e $250 miliona Ausetalia e aofia ai mo le 10 tausaga e fai ai lea faiga faapaaga.
Puna o Faamatalaga:https://www.rnz.co.nz/news/pacific/691237/pacific-leaders-welcome-australia-backed-multi-million-dollar-rugby-league-deal
