I le 49 tausaga talu ona faavae le Faalapotopotoga o le Esetete Tausi a Samoa, lea na faatลซ i le tausaga e 1977 ina ua pasia e le Palemene se tulafono, o le Aso Tofi o le vaiaso nei na aloaia ai le tapunia o lea faalapotopotoga a le malo e lฤ toe faagaioia.
O se faalapotopotoga sa iai le vaaia ma le pulea o faatoaga tetele sa iai a le malo i tausaga ua mavae, lea sa pito tele ai lafumanu papalagi, o togฤ koko ma toga niu sa oa ai le tamaoaiga o le atunuu a o faatau i fafo ia fua o faatoaga.
O le tausaga e 1990 na tuuina atu ai le 24 afe eka o eleele o le Esetete tausi e pulea e le Faalapotopotoga o Eleele a le malo ina ua faavaeina lea faalapotopotoga a le malo. Na alu alu le atinae o faatoaga ma lafu manu papalagi a lea faalapotopotoga tulai mai n tulaga faaletonu ma faaitiitia ai seia oo ina lฤ toe iai ia atinae tau faatoaga a le malo ma tapunia ai ma faleoloa tetele sa iai o le Esetete Tausi.
O le Matagaluega fou o Eleele ma Fuagafanua ma le Pulega o Oloa auina atu iai fafo le Samoa Export Authority ua iai nei le pulea o aseta uma a le faalapotopotoga faapea ma ona eleele.
