Ole faataitaiga o auupega niukilia a Saina i le Pasefika il e amataga ole vaiaso ua faaopoopo atu i lagona le mautonu i le Pasefika i mataupu tau le militeli ma sootaga faapaaga. Fai mai le Leitio faavaomalo a Niu SIla e iai faigamalo ole itulagi lea na logoina e Saina ao lei faatinoina faataitaiga ma ole aso tonu lava foi lea na agaiane ai le palemia o Ausetalia o Anthony Albanese i Fiti ma saini ai maliega e faatatau ile saogalemu ma le puipuiga.
Tau fai tuuaia uma e Ausetalia ma Niu Sila Saina i le gaioiga sa faatino aemaise ole faafeagai ole gaioiga na faia ma tulaga taua oo loo faamuamua e atumotu o le Pasefika e pei ona faamauina i le maliega ole Ocean of Peace. Ole faamatalaga o loo lipotia i le RNZ mai le sooupu a le ofisa o le va i fafo a Saina o Mao Ning ua taua ai o le faataitaiga o loo o gatasi ma faiga ma tulafono faavaomalo ma e lei taulai lava i se atunuu se tasi.
I se pepa o faamataaga mai le Ofisa o le Palemia o Papua Niu Kini, James Marape ua ia valaau ai ia Saina ia avea lea faataitaiga ma faataitaiga mulimuli faapea e toe faia i ogasami ole pasefika ma e le nao Saina e agai iai le valaau ae mo isi foi atunuu e pei o Amerika, Farani, Iapani, le UK ma seisi lava atunuu e iai ona agavaa tau militeli e faatino ai faataitaiga faapea. Fai mai Marape afai e latou te faaaloalogia tagata Pasefika e tatau foi ona faaaloalo i ona ogasami. E tele isi taitai o le Pasefika, e pei o Fiti, atu Solomona ma isi ua faaleo uma le agaga lava lea e tasi e tetee ai i faataitaiga o meatau i le vasa pasefika.
Puna o Faamatalaga: https://www.rnz.co.nz/news/pacific/684133/stop-firing-missiles-in-our-ocean-region-pacific-reacts-to-china-test
