Ua faamaonia na oso ese mai le faitotoa o le vaalele a o alu, se alii pailate ae tuu ai nao le tamaita’i o sē na ia ao’oa’oina e tau faatonutonu ane le vaalele ina ia tulaueleele.
Faamaino i ripoti a le CNN o le pailate e 42 tausaga le matua o Leandro Andres Bertazzo o ia foi o le faiaoga pailate, na maua atu ua maliu i le mae’a ole faalavelave lea i Toledo i le ogatotonu o Argentina i le Aso Toonai na tea nei.
Sa iai i luga ole vaalele ole Cessna Aircraft male tamaitai 22 tausaga o Rosario sa aoao lana faafoeina ole vaalele.Faamatala e le tamaitai i le CNN na fai atu Bertazzo ia te ia o lea ua ia iloa le mea e fai i le vaalele ma ia faaauau ona ia faia.
O le mae’a o ia faamatalaga na ia tulai ai ma aveese masini a le vaalele sa ia faaaogaina ma oso ese loa mai le vaalele. Faateia le kamupani e faigaluega ai aemaise tagata e silafia le alii pailate ina ua maua le tala i lana gaioiga na fai, ua ta’ua o se tagata e tele lona tomai ile galuega ma o loo ua faagasolo nei le suesuega i le mafuaaga o lona faia o lea faaiuga ua maumau ai lona soifua.
Puna o Faamatalaga: https://edition.cnn.com/2026/07/08/americas/argentina-pilot-death-scli-intl
