Ole a iloilo ma silasila le faigamalo ile auai ai i le faigaaapaga e iai faatasi ma Ausetalia ma Fiti, o se faamatalaga lea lipotia ile RNZ i le vaiaso nei ua ta’ua ai ma se faamatalaga mai le Palemia o Niu SIla, Christopher Luxon e faapea ua galulue faatasi ma Ausetalia ma Fiti i auala e mafai ai ona oo i vaega uma o lenei itulagi le saogalemu ma le malu puipuia o tagata uma.
Ua faailoa i le lipoti lea faamatalaga a Luxon e faatatau i le maliega na sainia a Ausetalia ma Fiti o loo taliaina foi e Niu SIla, ua malilie ai e feutagai, ma galulue faatasi e gaioi ma tete’e atu i ni tulaga lamatia e ono tulai mai.
O loo iai foi le avanoa e auai ai ma nisi atumotu o le Pasefika e fia auai pe afai e malilie iai Fiti ma Ausetalia. Ua faailoa la i le lipoti o le a faatalanoa nei le mataupu e Niu Sila, Ausetalia ma Fiti ma o loo tālia se faaiuga mautu a le Kapeneta a Niu Sila i le mataupu lea pe o le a auai ai i lea faiga faapaaga ma tuaoi Pasefika.
Puna o Faamatalaga: https://www.rnz.co.nz/news/politics/692126/new-zealand-to-consider-joining-ocean-of-peace-alliance-alongside-fiji-and-australia
