Ua molia e leoleo se tamaitai na taumafai e lelemo tamaiti e to’alua i le itu i Saute i Sisifo o Sini i le tausaga na te’a nei.
Fai mai le 9News o le masina o Setema o le tausaga talu ai na valaau ane ai le fesoasoani faavavave i le faaitu o Liverpool na maua ai se tamaitai ua pa’ū ane mai le auala laupapa o le Light Horse Bridge.
Na faiai iai togafitiga ma ave atu i le falema’i i se tulaga tigaina.
O le aoauli o le aso lava lea na valaau ane ai foi se fesoasoani i le Georges River ina ua maua ni lipoti i ni tamaiti o loo i le vai.
Na faailoa ane i leoleo o teineiti e to’alua e 7 ma le 8 tausaga na lavea’iina mai le vai e se tasi na iloa ane ma ave ai i le falema’i.
O le lipoti lata mai la o lea faalavelave ua ta’ua ai o ananafi i le taeao na te’a ai i tua mai le falema’i le tamaitai lea sa pa’ū ane mai le auala laupapa ma molia ai loa e leoleo i le taumafai e fasioti se tagata e ala i le lelemo i le vai.
E feta’ua’ina i le lipoti e leoleo na togi e lea tamaitai teineiti e to’alua i le vai.
O loo teena le tatala i tua ma sa tula’i i le faamasinoga i le aso ananafi.
Puna o Faamatalaga: https://www.9news.com.au/national/woman-charged-with-attempting-to-drown-two-children-liverpool-sydney/8763cc4d-6650-4996-968a-b3e2135a2084
