E na o le 25 tausaga o si alii ua faamaonia mai na maliu i le aso ananafi a o faamālū ma ana uo i le Paramatta Lake i Sini i le aoauli.
Fai mai na agai atu le fesoasoani faavavave ina ua lipotia ane se alii ua magoto i le nofoaga lea e lata i North Rocks Rd ma e lei toe aliali ane.
Na faatino le suesuega a leoleo ma le vaega laveai ma faatoa maua le tino maliu o sia alii i le lata i le 8 i le po anapo e pei ona faamaonia mai i se pepa o faamatalaga a leoleo.
Ua mae’a ona faamaonia e 25 tausaga ma o se alii mai Carlton ma sa agai atu ma nisi o ana uo mo taelega.
E lē o iai ni tulaga o masalomia ai se tasi i lenei faalavelave ae o loo faatino foi i le asō le suesuega i le mafuaaga ua maliu ai.
