Ua fautua mai foma’i ia mataala foi i le Hay Fever e foliga ua vave ona oo mai i lenei tausaga.
O le isi ona igoa o le Allergic Rhinitis ma e to’atele foi e masani ona aafia ai aemaise i le tau lenei o le spring ma le aga’i atu i le taumafanafana.
Fai mai foma’i ua o latou vaaia le siitia o tagata aafia i le Hay Fever.
I le vaitau lenei o le toe totogo o laau e mātele ina pepesi ai le Hay Fever ona e feavea’i e le savali le pollen mai laau ma aafia ai tagata.
O āuga e aofia ai le tale, tafe pe poloka le isu, maneso ma mūmū mata ma mageso le faa’ī.
E fufusi le fatafata, afu ma i’u ina faigata ona mānava.
E fautuaina le vaaia o se foma’i pe a faifaitetele āuga.
Puni o Faamatalaga: https://www.9news.com.au/national/early-hay-fever-season-sparks-health-warning-from-doctors/c61a56fd-17ec-48ab-bd67-a101f0f7e3ee
