Ua talo le fono a leoleo ma sui mai tua o loo leoina nofoaga faitele, ma ua faia ai i le mae’a osofai e le augaoi o le Partridge Jewellers i le nofoaga faatau a le Westfield i Newmarket i Aukilani i le Aso Faraile talu ai.
O lenei fono o loo taitaia e leoleo North Shore, Rodney faapea leoleo mai sisifo o Aukilani ma o loo laualuga ai le talanoaina o le saogalemu o tagata lautele ma o lea lava na faatulaga e lei gaoia le faleoloa a le Partridge.
O le lata i le itula e 9 i le po o le Aso Faraile lea na osofai ai e le augaoi le faleoloa e faaaogā ai le taavale gaoi e soso’a ai tioata ma ulufale faamalosi, ma e tupu ua amata ona tapuni.
O kapeneta na faaleagaina o le faleoloa ma Penina anagata lea na gaoia i lea lava po.
I lipoti a leoleo o loo ta’ua ai e lē mamao ma le faleoloa na faaleagaina le nofoaga na toe maua mulimuli ai le taavale lava lea faatasi ma nisi o oloa gaoi nei ma e faafetaia e leai se isi o le aufaigaluega na afaina ai.
O le Aso Lulu o le vaiaso nei le fono ma e faia i Newmarket.
Puna o Faamatalaga: Police meeting planned in Newmarket to address concerns following Friday night ram-raid at Partridge Jewellers – NZ Herald
