Ua i’u lava ina faamaonia le tapunia o le fale fasimanu i Timaru e pei ona agiga ai lipoti i le taimi ua sola ma e to’atele le aufaigaluega o le a aafia ai galuega.

I se pepa o faamatalaga ua faamatuu mai e le Alliance Group i le asō ua ta’ua ai o le a tapunia lea auaunaga ma ua faia le faai’uga i le mae’a o le lua vaiaso sa faia ai feutana’iga ma le aufaigaluega faapea iuni.

Ua faailoa foi e le Alliance o le to’atele o lana aufaigaluega e to’a 600 i Smithfield o le a vāea uma ae iai nisi o le aufaigaluega o le a toe faafaigaluega i isi lālā a le kamupani.

Fai mai le pulega o se faai’uga faigata sa feagai ma latou aemaise o aafiaga o le a iai mo nai tagata faigaluega ma aiga.

Talu mai le 1989 na umia ai e le Alliance Group le fale fasimanu lea ua 139 tausaga o lana auaunaga.

Puna o Faamatalaga: https://www.1news.co.nz/2024/10/18/hundreds-of-jobs-to-go-as-timaru-meatworks-closure-confirmed/