E to’a 50 tagata na aveesea mai se nofoaga na aafia i le vaiaso nei i le itu i Sisifo o Sini lea na faaletonu ai se vaega o lea fale tele.

Fai mai le 7News o le fale lea fogafale 10 e lē o aumau ai nisi i Railway St i Burwood ma sa faia iai ni galuega e tuu ai i lalo peitai ua tula’i mai ai se faaletonu ina ua aafia nisi vaega o le fale i le malolosi o matagi, solo ai nisi vaega o le fale tele lea i le aoauli ananafi.

Fai mai le sui o le tineimu o le to’a 50 na aveesea mai o tagata sa iai i isi fale e lalata ane ma sa sa’ilia nisi nofoaga e aumau ai i le po anapo ona o le popolega i le saogalemu mai le nofoaga ua aafia.

O loo faatalia se lipoti lata mai o lea mataupu ae faafetaia e leoleo le leai o se soifua na aafia i lenei faaletonu.

Puna o Faamatalaga: https://7news.com.au/news/fifty-evacuated-after-parts-of-building-collapse-in-sydneys-burwood-c-17470570