Ua aafia le Tupu o Salesa poo King Charles III i le gasegase o le kanesa.
O se faamaoniga lea mai le Buckingham Palace ae e lē o faailoa mai le ituaiga kanesa tonu ua maua ai, pau o lea ua amata faasolo nei ona togafitiga.
E iai ona tiute tauave i le va ma tagata lautele o lea ua tolopo nisi ae o isi o le a tauave e nisi o sui sinia o le aiga tupu a o feagai ai ma ona togafitiga.
O le taimi mulimuli na vaaia ai e tagata lautele le Tupu, o le Aso Sa na auai atu ai i le sauniga lotu na faia i Sandringham.
I nisi o lipoti a le BBC o loo ta’ua ai o loo lototele pea le Tupu a o feagai ai ma ona togafitiga i le taimi nei.
