O lea ua saini le mavaega a Ausetalia o a latou tui mo le vairusi o le monkeypox, a o Niu Sila e leai. 

E 450,000 tui o le vailaau a le Bavarian Nordic ua mae’a sainia, ma o le 22,000 e taunuu i se taimi o le faai’uga o lenei vaiaso ao le isi uma vaega e totoe e auaua’i mai i se taimi mulimuli. 

O le taunuuga lea o feutana’iga a le malo o Ausetalia ma le Bavarian e pei ona amata mai ai i le masina o Me a o le’i faia la latou palota. 

I lona faasoaina, o loo ave le faamuamua i tagata e maualuga le lamatia mai le vairusi. 

Ae mai ia Niu Sila ua faamaonia mai e sui o le soifua mālōlōina o loo aga’i atu iai, ma e ono lē vave oo mai lea sapalai. 

Pe ā ma le 10,000 tui o loo mana’o le faatonusili o le National Public Health Service, Dr Nick Chamberlain e aumai.