Ua una’ia le World Rugby ina ia tuuina ni faasalaga i ‘au e le usitaia pe faia foi ni faatatau i tulaga e aofia ai tama taaalo.
O le kulupu o le Progressive Rugby lea e aofia ai tagata sa taaalo muamua i le taaloga faapolofesa, o ē sa avea ma faia’oga ma tagata iloga foi i le faagatama ua o latou tuuina lea lu’itau i le World Rugby ma faataatia nisi o ta’iala e ao ona ustaia e autaaalo e aofia ai le le itiiti ifo i le 21 aso e mālōlō ai se tama taalo pe a mae’a se manu’aga e aofia ai le fai’ai tulou brain injury, ma isi tulaga faatino i le taimi o toleniga aemaise taimi e mana’omia ai ona mālōlō.
Ta’ua i le lipoti mai le Stuff se faamatalaga mai le World Rugby e tusa o le mataupu e faapea ua mae’a ona faia sa latou ta’utinoga i le faamautinoaina o le saogalemu o tama taaalo i le taaloga.
