Ua faailoa i lipoti i le asō mai le Newstalk ZB ua tusi atu ta’ita’i o le Green ia Darleen Tana ma ua tuuina iai le 21 aso e tali ane ai i le valaau a le pati ina ia faamavae.
O loo ta’ua i lea lipoti o ta’ita’i sinia o le Green i le Sootaga tau le Pasefika ua savavali ese mai le vaega faaupufai ma ua faatulaga nei se fonotaga a le pati i le aso muamua o Setema e faamautu ai nisi o mataupu.
Saunoa le isi ta’ita’i o le vaega faaupufai, Chloe Swarbrick i le faalatalanoaga ma le ZB e mitamita le vaega faaupufai e galulue i mataupu faalotoifale o loo eseese ai lagona.
O loo faatalia pea se tali ane a Darleen Tana i le faai’uga mai le Green.
Puna o Faamatalaga: https://www.newstalkzb.co.nz/on-air/mike-hosking-breakfast/audio/chloe-swarbrick-green-party-co-leader-on-senior-pasifika-network-leaders-walking-out/
