Ua faailoa i lipoti aupito lata mai a le CNN ua mae’a sainia e Trump ma le Sui Peresetene o Amerika, o JD Vance le maliega ma Iran e faaaogā ai faiga faaonaponei, o le maliega lea ua faamuta ai ma le polokaina e Amerika o uafu a Iran ma toe tatala ai loa le Strait of Hormuz ma amata ai loa ma le 60 aso o feutana’iga i matāupu tau niukilia e pei ona faamaonia mai e se sui sinia o le faigāmalo a Amerika.
Ua ta’ua i le lipoti, o le Fofoga Fetalai o le Palemene a Iran sa fai ma sui o le latou itu i le sainiga o le maliega.
Fai mai le autusitala e foliga e tau fai eseese uma le faamatalaina o le maliega e itu e lua aemaise lava i le Strait of Hormuz.
O loo fai mai Iran ua fuafua e koleti mai totogi o le faaaogāina o le ogasami peita’i fai mai Trump o le Aso Faraile e toe tatala atoa ai lea ogasami mo feoa’iga e aunoa ma ni tupe e totogia.
O le silasila a Isaraelu i le maliega ua faia nei ua ia ta’ua ai o la’ua ma Trump e lē tutusa le la vaai i mea i taimi uma.
O le taimi nei o loo faaauau pea fetauiga a Isaraelu ma le vaega a le Hezbollah lea e lagolago e Iran.
Puna o Faamatalaga: https://edition.cnn.com/2026/06/15/world/live-news/iran-war-g7-summit
