Ua faamaonia e to’alua isi alii ua molia e leoleo i le feta’ua’ina o le ave faamalosia o si tamā matua mai North Ryde i le amataga o le tausaga, lea na mulimuli ane faamaonia ua fasiotia.
O le tamā e 85 tausaga le matua, o Chris Baghsarian, na ave faamalosia mai lona fale i le aso 13 o Fepuari o le tausaga nei ma sa manatu leoleo e foliga e sesē le tagata na aga’i iai lea osofa’iga.
Na maua lona tinomaliu i le aso 24 o Fepuari e lata i se malae tapolo i Pitt Town i Sini lava.
E to’afā tagata ua mae’a molia e leoleo i le faalavelave lea ma ua faaopoopo atu nei iai ma le isi to’alua ua molia i le asō, fai mai e 19 tausaga o le isi ma le isi e 21 tausaga le matua.
Puna o Faamatalaga: https://www.nine.com.au/australia-news/nsw/chris-baghsarian-two-more-men-charged-with-alleged-murder-of-sydney-grandfather-20260617-p607h9.html
