O loo mautū lava le finagalo o le alii Palemia o Niu Sila, Christopher Luxon, e lē suia le tulaga o Niu Sila ma e lē toe iloiloina foi lona tulaga i le matāupu e faatatau i le lē aofia i faiga faaniukilia.
Fai mai le RNZ e ui o loo iai nisi masaloga i le mau lea a le malo e lē faatagaina ai pe faatino gaioiga faaniukilia ae ua saunoa manino le minisita o le puipuiga a le atunuu o Chris Penk, i se fonotaga i Singapore i le vaiaso talu ai, e ui atonu e aogā ona talanoa ai ae e lē o iai se fuafuaga a le malo e faatatau i matāupu faapea.
E lē faatagaina e Niu Sila vaa faaniukilia i ona ogasami e tusa lava foi pe aumaia ai ni ‘au’upega faaniukilia.
Saunoa ai foi lē sa avea muamua ma Minisita o le Puipuiga, Wayne Mapp ua leva ona silafia e atunuu aemaise foi Ausetalia, le tulaga o Niu Sila i matāupu ia tau faaniukilia.
Puna o Faamatalaga: https://www.rnz.co.nz/news/political/596981/non-negotiable-christopher-luxon-says-nuclear-free-stance-not-changing
