O le vaa la’upasese ma uta e aofia ai taavale lea sa tapena e le faigāmalo talu ai i le fuafuaga e fealua’i i le va o motu o Upolu ma Savaii i le tau e silia i le 20 miliona tālā, o le a lē faaaogāina mo lea ālavaa.
Ua faailoa e le ta’ita’i o le malo i le Palemia susuga Laaulialemalietoa Leuatea Polataivao Fosi i le Palemene, e lē saogalemū pe a uia e lea vaa o le ituaiga o le Catamaran le vainuu.
Na saunoa le Palemia e faamalamalama le tulaga o lea vaa ina ua saunoa le faipule o Sagaga 1 i le tala o le tupe ma fesili poo fea ua fai iai le vaa ae ua alu ai tupe a le malo.
O le tali a le Palemia ua faaauau ona aumai le vaa ae o le a toe faatau pe lisi e toe faaola ai tupe ua mae’a ona totogi.
Audio cut : PM
Le Palemia susuga Laaulialemalietoa Leuatea Polataivao Fosi i le faamlamalamaina o le matāupu i le vaa, lea sa fuafua le faigāmalo talu ai e amata faaaogā ia Oketopa o le tausaga na te’a nei.
