E lagolago e le sui o Amerika Samoa i le konekeresi le faai’uga a Trump e faatatau i faigāfaiva i le Pasefika e pei ona lipotia atu i le vaiaso talu ai.
Fai mai Uifaatali Aumua Amata Coleman Radewagen i le lipoti a le leitio faavaomalo a Niu Sila, o le poloa’iga e pei ona sainia e Trump e matua’i tala lelei tele mo le tamaoaiga o le Pasefika ma faigāfaiva ma e faafetaia ai le alii Peresetene.
O le aso 11 o Iuni na sainia ai le poloa’iga lea e Trump ma e aofia ai le nofoaga e ta’ua o Papahanaumokuakea i Hawaii, le Mariana Trench i le Atu Mariana ma le Rose Atoll National Monument i Amerika Samoa.
O nofoaga ia ua tatala mo faigāfaiva faapisinisi.
E iai nisi e lē o lagolagoina lea faai’uga a Trump ona fai mai a latou o ogasami puipuia ia o le Pasefika o le a avanoa mo le lautele i lalo o lea poloa’iga.
Puna o Faamatalaga: https://www.rnz.co.nz/news/pacific/598299/american-samoan-congresswoman-backs-trump-s-pacific-fishing-executive-order
