Ua ta’ua i lipoti a le BBC i le vaiaso nei, o Lusia lea e iai lona aafiaga i le faalavelave na susunuina ai le maota o le Palemia o Peretania o Kier Starmer.
Ua faailoa e le BBC o le alii e suafa ia Roman Lavrynovych, e 22 tausaga le matua mai Ukraine, na faamaonia ona moliaga i le susunuina o le maota lea ma e foliga e tele atu lona silafia i le alii Palemia.
Fai mai lipoti o le tagata na fai atu se fe’au tusitusia ia Roman sa ia faailoa ua ia osofa’ia le fale o se tagata maualuga i Peretania ma o le a lafo ane ia te ia se tupe ma ia aga’i ese loa ma le atunuu.
Peita’i e le’i taunuu lea fuafuaga ina ua pu’eina Roman e leoleo.
Fai mai le BBC o a latou su’esu’ega ua iloa ai o le susunuina o le maota o le Palemia o se vaega o se campaign na faia ma e aga’i sa’o lava ia taumafaiga i le atunuu o Lusia.
O loo teena e le ofisa o Lusia ia tuua’iga ma o latou ta’ua foi e leai se tulaga lamatia o iai le United Kingdom mai ia Lusia poo le matāgaluega o le va i fafo.
E to’alua alii Ukraine ia ua faamaonia aafiaga i le matāupu lea i le taupulepule e osofa’i meatotino ma se taavale e iai sootaga i le Palemia o Peretania.
Puna o Faamatalaga: https://www.bbc.com/news/articles/c8r2l352z2do
