O se lipoti lata mai leoleo ua faaalia ai, ua toe maua nei talavou e toafā ia na auina atu i talafou ananafi o loo tau sailia i Niu Sa Uelese.
O le ta o le 5pm i le afiafi ananafi na maua ane ai le lipoti lea mai leoleo ua toe maua uma le toafā na tau sailia, ma sa faafetaia ai e leoleo tagata uma na lagolago ane i le sailiga o i latou nei.
O talavou nei, o le isi toalua o Lorayer Kumar ma Kaydee Pocklington e tai 14 o la tausaga, o Sharnie Mitchell e 15 ona tausaga ma Joel Payne e 16 tausaga ma na mulimuli vaaia i le faaitu o Ulladulla poo le ta o le 9 i le taeao o le Aso Lua, 25 o Iulai.
O le toafa uma lea e lei toe foi ane i o latou aiga talu mai lea taimi ma amata loa le saillira a leoleo.
O le popolega o iai o o latou aiga ona o le laiti o i latou ia ma sa masalo leoleo e foliga na malaga faatasi nei talavou public transport i le faaitu o Liverpool i saute i sisifo o Sini, o lea na talosagaina ai soo se tasi e silafia se faamatalaga ina ia fesootai ane i le Crimestoppers.
Ae o le tala fiafia lea ua toe maua mai leoleo, ua toe maua uma i latou.
