E 76 afifi na maua talu ai nei i Fiti ma ua faamaonia o fualaau faasāina o le cocaine. O afīfī na maua ane mai faaitu o Lau Group, Qamea, Kadavum ma Beqa i Fiti ma o loo talanoa nei leoleo a le atunuu ma leoleo a Ausetalia ma isi i le faamautina poo fea e agai atu ai ia afīfī ae poo fea foi na faamoemoe e ave agai iai.
Fai mai le RNZ o le vaiaso talu ai na agai atu ai leoleo mai Vanualevu ma Savusavu e su’esu’e se tagapepa iila na iai totonu se pauta pa’epa’e sa talitonuina o ni fualaau faasāina ma sa tafetafea ane i gataifale o le motu o Namena. O lea na faia ai le suesuega ma iloa ai le fualaau faasāina ae maua ai foi e leoleo ma le isi faatoaga tele i Qaravutu e silia i le 5 afe laau mariuana na maua iai ma o loo taofia ai nei se tagata mo suesuega.
Ua faamaonia e ta’ita’i o leoleo o le Pasefika le faalauiloaina o le Pacific Watch o se auaunaga e lipoti ai soligatulafono i luga o upega tafailagi, ae ua faailoa foi e Niu Sila ma Ausetalia o le a o latou faatupe se strike force i Colombia e tetee atu ai i le aumaia ofualaau faasaina i le Pasefika.
Puna o Faamatalaga: https://www.rnz.co.nz/news/pacific/707615/fiji-police-confirm-76-washed-up-parcels-tested-positive-for-cocaine
