A ititi mai pe toa 27 tagata ua maliliu ma le toatele o loo manunua i le afi na sasao ane i se papu i Bangkok e pei ona lipotia mai ele CNN.
O ata ua faasoa i luga o upega tafailagi mai lea faalavelave o loo iloa atu ai le malosi ole sasao a le afi mai le papu lea o le Na Ladprao i le itu i matu o le laumua lea o Thailand.
O le Palemia o Thailand, Anutin Charnvirakul, na faia le faamatalaga lea e toa 27 ua maliliu ma o loo sailia nei le mafuaaga ole afi.
Ua taua i isi lipoti e toa 63 na ave i le falemai mo togafitiga,toa 22 e tigaina. Pe a ma le ‘afa itula na taumafai ai tineimu e tape le afi.
O loo faaauau i le taimi nei le suesuega i lea faalavelave ae iai foi isi faalavelave faapea na tutupu i Thailand lava i le 2022 na maliliu ai foi tagata e 22 i le itu i sisifo ole atunuu i se papu foi na mū.
Puna o Faamatalaga: https://edition.cnn.com/2026/07/12/asia/bangkok-deadly-fire-pub-latam-intl
