I le masina o Iuni o le tausaga e 2023 na filiilia ai le faletua le afioga Lemalu Selesitina Meni Reti e avea ma Ofisa Sili o le pulega o le faalapotopotoga o le faaputugatupe o le lumana’i manuia o tagata le NPF, o lea ua faamavae atu iai le aufaigaluega a lea faalapotopotoga tau tupe a le malo, ina ua mae’a le 3 tausaga o lana konekarate, ma ua filifilia atu e le malo se isi tamalii e avea ma Ofisa Sili fou.
E lua Minisita o Tupe o le faigāmalo talu ai sa feagai ma le afioga Lemalu auā o Minisita o Tupe e iai le vaaia o le faalapotopotoga o loo teu faafaigaluega ai seleni a le aufaisaofaga i le NPF.
O ia Minisita o le afioga Mulipola Anarosa Ale Molioo ma le afioga Lautimuia Uelese Vaai.
E mae’a nei le auaunaga a le afioga Lemalu Selesitina ua toe pale atu le afioga Mulipola Anarosa Ale Molioo i le tofi Minisita o Tupe i le faigāmalo fou ua iai nei.
O le susuga Lealali Faletoese Asaua ua filifilia e le Kapeneta e see atu e avea ma faauluuluga o lea faalapotopotoga tau tupe a le malo, ma o se tamalii o loo ia umia faailoga maualuluga i tomai tau i galuega faatausi tusi ma su’etusi.
E 3 foi tausaga o lana konekarate.
