Ua molia nei se alii mai Sini Ausetalia, i ni faufauga ma gaioiga e ave faamalosi ai ma lona faasiotia ai o se tamā matua e pei ona ta’ua i le 9news i le asō. O le tamā matua o Chris Bagasarian 85 tausaga sa lipotia atu foi muamua i ia tatou talafou na tau sāilia mai e lona aiga i North Ryde i Sini i le aso 13 o Fepuari o le tausaga nei; ae maua lona tino maliu mulimuli ane i le mae’a o le vaiaso lata i se malae tapolo i Pitt Town.
E toafitu tagata na molia muamua i lea faalavelave ma sa faatalia pea se iuga a le faamasinoga.Fai mai leoleo e manatu e sesē le tagata na agai iai le osofaiga ma o le asō la ua faailoa mai ai o se alii e 32 tausaga ua faailoa ane e leoleo na talitonuina o ia lea na fuafuaina atoa le ave faamalosia o lea tamā matua.
Sa pueina le alii 32 tausaga lea i Blacktown ma ua molia ai i lea faalavelave. E lei talia le talosaga e tatala ai i tua ae faamanino e leoleo o le a toe tulai i luma o le faamasinoga i le aso 17 o Iulai.
Faailo loo faaauau le su’esu’ega a o taumafai leoleo e faamautu poo ai le vaega mai fafo lea e masalomia le faatonuina mai o le ave faamatalosia o lea tama matua.
Puna o Faamatalaga: https://www.nine.com.au/australia-news/nsw/chris-baghsarian-man-charged-with-masterminding-alleged-kidnapping-murder-sydney-grandfather-20260714-p60f0m.html
