I le va o le tausaga e 2019 ma le tausaga nei 2026 ua faamauina e le komisi o tagata faigaluega a le malo o loo iai le vaaia o avanoa sikolasipi mo alo ma fanau a Samoa, ua siitia i le 109 avanoa sikolasipi fou mai le malo o Saina.
O lea aofa’iga ua aofia ai le to’a 22 o fanau a le atunuu o loo a’o’oga i ia avanoa sikolasipi i le tausaga nei.
O le tausaga nei foi ua faamauina ai le siitia i le 54 fanau o loo a’o’oga i totonu o le Iunivesite Aoao a Samoa ua faamanuiaina i ia sikolasipi a le malo o Saina ma e faatusa lea i le na o le to’a luasefulu o fanau na maua ia sikolasipi i le tausaga na te’a nei 2025.
O le sauniga na faalauiloa ai i latou ua faamanuiaina i ia avanoa sikolasipi sa faailo ai e le pule o le iunivesite aoao ia faamaumauga faapea ma le ta’ita’ifono o le komisi a tagata faigaluega a le malo.
O le to’a 54 ua afea i lea agalelei o Saina ua aofia ai fanau o le a sikolasipi i le a’oa’oina o le gagana Saina.
O le Amepasa o lea malo i Samoa sa talimalo i se faaafe mo fanau ua faamanuiaina i ia avanoa e totogi ai e Saina a latou a’oa’oga.
