O loo toe mafaufau nei pisinisi Northland i le ave ai o le Transpower i le tulafono ona o le gau na iai i le masina talu ai e mafua i le motusia faafuasei o le eletise.

O lea ua tuua’ia le Transpower ua toe solomuli mai lana tala na muamua fai mai o loo vaavaai e toe totogi tupe a tagata na aafia i le motusia o le eletise, e ui o loo ia matuai teena.

E lata i le 100,000 paaga na leai se eletise mo itula ona o le pa’ū o le pou eletise na iai i le aso 20 o Iuni, ma ua iai lipoti e ono oo atu i le $60 miliona tupe gau a pisinisi.

E iai nisi o pisinisi tetele i Northland na iu ai lava ina tapunia mo nai aso a o tau faasoa le eletise ona o le utiuti o le sapalai.

A o fai mai ai le Transpower i pisinisi e faaulu sa’o agai a latou inisiua, ua tali mai le Northland Chamber of Commerce ma faailoa le lē fiafia tele o pisinisi ona e pei ua toe solomuli i lana ofo na muamua fai mai.

I tala a le 1News, o loo matuai teena e le Transpower na iai sana tala na fai mai a mea e maua se taui ona o le motusia faafuasei o le eletise.

Puna o Faamatalaga: Outage outrage: Northland businesses seeking compensation (1news.co.nz)