Ua faamavae se isi foi sui a le vaega faaupufai a le HRPP o le sui filifilia foi lea o le Itumalo Safata No.1 le afioga ia Leaana Ronnie Posini mai lona tofi faipule ae toe agai e fai se faigapalota laititi.

O lea faamavaega na o gatasi ma le manatu o le sui tauva o le itumalo o le sui foi lea o le FAST ia Afemata Palusalue Faapo ina ia toe ave i tua lana tagi na faia faasaga ia Leaana.

I se faatalatalanoaga ma le sui o le FAST taua e Palusalue o aiaiga o le toe ave i tua o lana tagi ona o se maliega ina ia faamavae Leaana mai le nofoa, ave i tua lana tagi o faatosina o le palota ae toe foi e fai se faigapalota laititi.

Taua e Palusalue “e to lona pulou ia Aiono ona o le toa o lona loto ma lana faaiuga na fai, e na’o tagata lototele e mafai ona fai faaiuga faapea.”

O le la naunautaaiga ina ia fai ni faataitaiga lelei mo nisi itumalo e mafai ona soalaupule mataupu  nisi auala ae le’o le faamasinoga.

Na faafetaia ai e Afemata le afioga ia Leaana le aua lē faia ai se la faamasinoga ae toe agai e fai le faigapalota laititi a le itumalo.

I le iuga o le faigapalota tele a Samoa i le Aso 9 o Aperila na manumalo ai Leaana i palota e 1037, tulaga lua ai Afemata i palota e 751.