O ni tagata e fai mai i totonu o Sini lea ua pu’eina e le Australian Federal Police ona o ni gaioiga ua feta’ua’ina ai le aumaia faananā o ni tagata.
Ua ta’ua e le 9News e toatolu i latou ia, o se alii e 26 tausaga, se tamaitai e 54 tausaga ma se isi tamaitai e 32 tausaga ua tuua’ia i le taumafai e aumai ni tagata faasolitulafono mai se vaa na taunuu ane i Western Australia i le masina o Aperila o le tausaga nei.
O i latou la ia ua molia uma i le taumafai e aumai faananā ni tagata e lē sitiseni i Ausetalia ma afai ae faamaonia e ono oo atu i le 10 tausaga i le falepuipui le faasalaga ma se salatupe pe $313 afe e totogi.
O le asō ua fuafua e tutula’i ai i latou ia i le faamasinoga i Sini.
Puna o Faamatalaga: https://7news.com.au/news/three-foreign-nationals-arrested-in-sydney-over-people-smuggling-operation-c-15801238.amp
