E 7500 pasese a le Ea Niu Sila o le a agai ese mai ma Aukilani mo le aso a taeao pe a toe tatala tuaoi ole aai. Faaopoopo atu i lea ua faailoa mai e le kamupani vaalele e toeitiiti lava atoa le 4500 o tagata mai vaega eseese o le atunuu o le a felelei mai I totonu o Aukilani.
I lona tuufaatasiga toeitiiti 21 afe pasese ua maea ona faatonu avanoa I malaga a le kamupani vaalele mo le aso a taeao. O nofoaga aupito taatele e tolu o loo agai iai tagata Aukilani o Ueligitone lea pe a ma le 1800 tagata o loo taua mai ua maea faatulaga e agai iai. Kalaiesetete e 1700 ma Queenstown e 1200.
E tatau ona faaali e tagata malaga lana vaccine pass poo se faamaoniga o se negative test sa faia I totonu o le 72 itula ae lei malaga.Fautuaina e se tasi o sooupu e tatau I tagata ona faaavanoa se itula e vave ai ona agai ile malae vaalele ina nei iai se faatuai pe uumi foi ni que e faatalitali ai.
