E to’atele tagata na aga’i ane e faaaogā lelei le avanoa na maua e feiloa’i ai i le Tupu o Peretania ma lana Masiofo a o iai i le la malaga mai i Sini nei i le faai’uga o le vaiaso.
Sa malosi le puipuiga i le faigamalaga lea ina ua taunuu ane i le St Thomas Anglican Church i North Sydney.
Sa iai foi ma le autetee i se nofoaga lata ane i le malumalu lea peitai sa aupito to’atele atu le atunuu na aga’i ane ma fu’a a Ausetalia ma patipatia le taunuu atu o le Tupu ma le Masiofo.
Sa feiloa’i atu foi i la’ua i le fanau na aga’i ane ma teufugalaau ma fu’a a Ausetalia ma Peretania.Faailoa le agaga fiafia o Tupu Salesa i le mafutaga ma Ausetalia ma o loo iai pea i le atunuu seia oo i le Aso Lulu o le vaiaso nei e malaga ai i Samoa i le fonotaga a le CHOGM.
Puna o Faamatalaga: https://www.9news.com.au/national/king-charles-and-queen-camilla-in-australia-canberra-visit-live-updates/4cb8808b-635a-418d-8bf7-2061fcd87f12
